Cidadadans/as activos/as: noviembre 2014

Bos días, cidadáns/ás:
Nesta semana estivemos traballando en dous proxectos á vez; por unha parte, continuamos elaborando o documento de comprensión lectora (Recinto Gris) que publicaremos de seguido e por outra banda, tivemos a oportunidade de saír do centro e colaborar na manifestación contra a VIOLENCIA DE XÉNERO o día 25 de novembro.
Vamos entón, co libro:
Cidadáns/ás activ@s

RECINTO GRIS (SEGUNDA PARTE)

1. ESTRUTURA

Externa:

1-De quen son os lobos: Iníciase o relato describindo a cidade de Vii e proporcionando datos sobre os lobos e a súa chegada inesperada á vila.
2-De quen e Nube e de como a atopan os lobos: Preséntase a Nube, afeccións, familia, trazos de carácter... e a súa vivencia fronte aos lobos.
3-De como os estraños soldados colleron a Nube e a levaron contra a súa vontade: A nena mostra un terror irracional cara os soldados e estes predispoñense a levala, ela resístese mais finalmente acaba por renderse.
4-De como os lobos meteron a Nube no camión e de quen atopan alí dentro: Posteriormente, trasládana a un vehículo cheo de veciños e descobre ao seu avó.
5-De cómo chegan a un lugar frío e illado e de como perden os seus nomes: Desvélase o destino e as primeiras impresións dos reclusos sobre o recinto e ademais, nárrase cando os lobos asínanlle un número a cada preso e prohíbenlles empregar o seu nome verdadeiro.
6-Do burato sen fin e de como empeza a amizade con Mun: Preséntase o espazo onde traballarán de cara ás próximas semanas e o inicio dunha fermosa relación por parte de Nube con Mun.
7-De quen é en realidade o avó e de por que está en Recinto Gris: Ata o momento, a entidade do avó é descoñecida. Neste capítulo confírmase o motivo polo cal este home permanece alí e a amizade comeza a aflorar entre os veciños.
8-De como avanzan as estacións e do ouveo dos lobos: O tempo pasa en Recinto Gris e a debilidade instálase nos presos/as aínda que o sentimento desesperado de saír empeza a formarse.
9-Das anguías eléctricas e dos cinco días sen Mun: A historia avanza e a medida que pasan os días, os lazos entre Mun e Nube van medrando progresivamente. A pesar de non poder conservar ningún obxecto, a moza garda o seu libro favorito e comparte cos seus compañeiros/as de barracón a súa sabedoría. Mais o segredo pesa e o albino será castigado por axudala.
10-Do medo de Mun ao verán: Despois de saír da cloaca e da horrible experiencia, chega o verán ao lugar e Mun confesa o seu medo e as súas diferenzas abertamente sobre esta estación.
11-Do neno lepidóptero da primeira morte coñecida: Pouco despois, a chuvia chega e os reclusos acollen a un neno desorientado. Este, lonxe de estar atemorizado, cóntalles a súa capacidade incrible e a súa experiencia incluíndo a morte do seu pai no Recinto.
12-De como o neno lepidóptero regresa ao seu barracón e da chaqueta do avó: Todos trazan unha estratexia para devolver ao neno e chegar ata a barraca dos obxectos persoais, onde o avó collerá a súa chaqueta e mostrará aos demais un plan ben agochado.
13-Do que o avó gardaba na chaqueta e do recordo das samesugas: Cóntase a profesión do avó e algunhas das súas fazañas mentres relatan o recordo de Mun sobre os seus días no pozo.
14-De como a revolución toma forma no Recinto Gris: A idea de escapar vaise formando nas cabezas dos reclusos/as e irán pensando nun asalto formal para conseguilo.
15-De como o exército de reclusos avanza no medio da noite de como Nube descubre algo importante: Nube é trasladada á cloaca xunto ao albino para cumprir a súa tortura e inesperadamente, cae na conta de que os soldados son falsos e descobre a trama escura que estaban a levar a cabo mentres os seus amigos poñen en práctica a súa fuxida.
16-De como o neno lepidóptero emprende o voo: Tras meditar a maneira de rescatar a Nube, o neno con ás decide ir a buscala voando e finalmente a libera.
17-Do derradeiro berro de Nube: A pesar de ser tomada polo xoven lepidóptero, Mun queda atrás e Nube sinte unha enorme tristura que desbota berrando e demostrando a súa rebeldía.

18-Créditos:

Interna:

-Introdución: Comprende os primeiros cinco-seis capítulos aproximadamente. Preséntanse os personaxes que van intervir (Nube, o avó, Mun, os lobos...), o espazo (Cidade de Vii e posteriormente o Recinto), o tempo (Presente) e iníciase o relato.

-Nó: É a parte máis longa e complexa, abrangue dende os capítulos cinco ou seis ata o catorce máis ou menos. Desenvólvense os feitos e exponse un conflito, desvélanse datos moi importantes (Razón pola que están alí, como é a vida na fría "cárcere"...)

-Desenlace: Resólvese o conflito planteado no nó e finaliza o relato, son os últimos capítulos e cóntase a fuxida e como remata esta estupenda obra literaria.

2. ARGUMENTO (Resumo):

Nube, unha nena pouco común é levada xunto a algúns dos seus veciños ao “Recinto Gris”,un lugar que dista moito de ser confortable e no que uns estraños personaxes farán de esta experiencia un berro contra a represión e o control loitando pola liberdade e apoiándose na amizade.

3. ASUNTO (1 palabra);

Afouteza. Porque cremos que os protagonistas son a viva imaxe da resistencia. A pesar de sufrir e de poñer a súa vida en perigo seguen sorrindo, seguen falando e pensando nunha solución, defenden aos seus compañeiros/ as reclus@s enfrontándose ás duras consecuencias e toman cada día de novo cheo de esperanza.

4. TEMA (1 frase nominal):

A autenticidade determina a reclusión dunhas persoas diferentes sometidas á opresión.

5. TONO:

Ten un tono un tanto esperanzador pois reflexa unha situación difícil e desmoralizadora mais o modo de enfrontarse a ela polos retidos/as desvela que aínda hai unha posibilidade de conseguir escapar non só do recinto literal senón tamén da corrente de pensamento social en canto á personalidade.

6. VOZ NARRADORA:
Hai un narrador que non é Nube,está en 3ª persoa pero moitas beces os dialogos entre persoaxes contan historias.

CARACTERIZACIÓN DOS PERSOAXES:

Caracterización xeral:

- Como son? Diferentes porque teñen calidades que os outros non o teñen. Como voar, saberse unha enciclopedia de peixes enteira,ter vista de lince...

- A que clase social pertencen? As persoas marxinada e outras coma Mun e Nube eran diferentes.

- Que papel desenvolven na obra? Os reclusos do recinto gris porque son diferentes e os diferente tiñan que ir a un sitio no que se teñen que convertir en persoas non diferentes.

- Que actitude adopta a voz narradora ante eles? Actitude normal xa que non fala con gritos, enfadada…

- Sabemos deles directamente (a partir da información da voz narradora ou doutras personaxes)? Si porque Nube conta onde os vira na cidade o porque lle eran coñecidos.

- Sabemos deles indirectamente (a partir do que din e de como se comportan)? Si, porque van narrando as suas peculiaridades e como a situación os vai cambiando.

CARACTERIZACIÓN XERAL:

- Principais: Nube, o seu avó e Mun o albino.

- Secundarias: Os gardas con cabeza de lobo, os compañeiros/as veciños retidos, o neno lepidóptero...

ANÁLISE DO ESPAZO:

- Real ou simbólico? O lugar de Recinto gris é simbólico xa que
representa unha situación de opresión ou de discriminación que sofren
algúns cidadáns/ás na sociedade debido a ser diferentes en certos aspectos
físicos ou ben pola súa forma de pensar.

- Fixo ou itinerante? A historia transcorre prácticamente na "cárcere"
aínda que o comezo sucede na vila.

- Pechado ou aberto? Discorre nun entorno pechado que determina a reclusión á que están sometidos

- Urbano ou rural?

ANÁLISE DO TEMPO

-Externo

É unha Ucronía pois non ten un tempo concreto, é dicir, os feitos non datan dun momento específico e a historia toma unha dirección un pouco surrealista, conta uns acontecementos non-basados na realidade.

-Interno

Non sabemos con exactitude o tempo que transcurre mais polos datos meteorolóxicos, supoñemos que a novela empeza en outono ou inverno, pois hai refachos de vento e un tempo inestable. No capítulo 10, descríbese unha estación cálida na que se introduce o medo de Mun e no desenlace, vólvese a insinuar unha etapa fría e chuviosa. Podemos deducir que pasa aproximadamente un ano.

Orde

Non é lineal, aparece unha analepse moi marcada cando se conta a vivencia que tivo o avó de Nube cun gato e un valo eléctrico ou cando se nomean os inventos nun tempo pasado.

CONFLITOS SOCIAIS:

a) Definición de conflito:

É unha situación entre dúas ou máis etnias/ nacionalidades con intereses distintos, oposición, que loitan por chegar ata eses obxectivos, o que a miúdo deriva en violencia tanto verbal coma física e desata unha serie de consecuencias negativas nas que poden verse implicadas outras persoas.

http://es.wikipedia.org/wiki/Conflicto

b) Causas:

Para entendelo mellor propoñemos este vídeo:

https://www.youtube.com/watch?v=AMH1f9XmG-k

c) Consecuencias:

-Perdas económicas.
-Alterar a paz nas zonas en conflito durante un tempo.
-Desenvolvemento do terrorismo.
-Vítimas, algunhas inocentes.
-Mala imaxe do país no estranxeiro.
-Perdas materiais.
-Nun futuro, sufrimento polos estragos da guerra.

https://es.answers.yahoo.com/question/index?qid=20070610105637AAJtZ37

Cidadadans/as activos/as

Páginas

domingo, 30 de noviembre de 2014

25 de Novembro: Non á violencia de xénero!

Recinto Gris: 2ª parte.

martes, 11 de noviembre de 2014

Problemas actuais III: Problemas asociados á falta de autoestima.

domingo, 9 de noviembre de 2014

Problemas actuais V: Conflitos sociais

Entra na wikipedia :3